Informashon general
Ofisialmente e amerikano William G. Morgan ta e persona ku a funda e deporte vòlibòl. E tabata un guiadó di deporte na “Young Men Christian Association (YMCA) na Massachusetts.
Na aña 1895 el a kolekshoná regla nan di wega konsediendo di deporte nan eksistente manera tènis, basketbòl i ‘baseball’. Pa medio di pone e regla nan aki huntu e promé vòlibòl a eksistí.
Despues di un bishita na Merka, Illinois na aña 1925, e pastor Simon Buis (1892 – 1960) a trese e deporte aki Hulanda.
A hunga vòli pa promé biaha den e kas di misionario Sint Willebrord de Uden.
Den aña 1928 e ‘Amsterdamse Maatschappij voor Jongemannen’ (AMVJ) a invitá señor Leuw Lake (di inglatera) ku tabata e lider di deporte di YMCA pa duna un demonstrashon di vòlibòl.
E demonstrashon a kai mashá na agrado i den aña 1930 AMVJ a bira e promé asosiashon di vòlibòl di Hulanda.
Reglanan di training di lès
Tin regla apart pa hóben (te ku 13 aña) den vòlibòl:
- Bo ta práktika vòli riba un vèlt mas chikí
- E neto ta mas abou i
- E bala ta ménos pisá
- E tim tambe ta konsistí di kuater hungadó i no di seis.
Kategoria di edat
Djaluna 17.00or - 18.00or 9 - 13 aña
Djaluna 18.00or – 20.00or 14-17 aña
Djárason 17.00or – 19.00or 14-17 aña
Djasabra 09.00or – 11.00or 9-13 aña
Sistema di entrenamentu/lès
Ta praktiká vòlibòl riba un fèlt:
- Kategoria mini ta hunga riba un fèlt 6 pa 6 (esei kier men ku e tereno ta midi 6 m pa 12 m )
- Kategoria klase A i B ta hunga riba un fèlt 9 pa 9 (esei kier men ku e tereno ta midi 9 m pa 18 m )
Na kategoria mini tin 4 hungadó riba fèlt i por tin máksimo 4 hungadó pa kambia.
Klase A i B tin 6 hungadó riba fèlt i por tin máksimo 6 hungadó pa kambia.
Miembrsia pa klup di vòlibòl ta fls. 3,00 pa luna.
