S.O.V. Asiento - Deporte di tiru

Asiento Schietclup a keda funda na aña 1956 dor di Shell Curaçao komo e promé klup di tiru na Kòrsou. E klup tabatin un toke hopi soshal i familiar kaminda hopi pareha tabata partisipá na e deporte. Tabata organisá diferente kompetensha manera kwartaal wedstrijden, paashaas, Koninginne beker, pinkster olympiade i kerstbout ku reglanan puramente interno. Na aña nan 1960 a disidí di apliká regla nan internashonal asina habri e kaminda pa via e tempu ei NABLO (awor NAOC) tiradó por a partisipá na kompetensia nan internashonal. Esaki a sosedé na aña 1966 pa promé biaha.
Deporte di tiru ta organisá di siguiente manera:
Asiento i e otro seis klup di tiru lokal ta afiliá na Curaçaose Schietbond (CSB) ku di su parti ta afiliá na Federashon Antillano di Tiru (Fedanti). Fedanti ta afiliá na NAOC ku ta miembro di International Olympic Committe (IOC), instansha organisadó di Weganan Olímpiko. Fedanti ademas ta afiliá internashonal na organisashon nan kontrolá pa OIC manera International Shooting Sport Federation (ISSF) ku ta organisá kompetensha international. Pa kompetensha mas regional ta eksistí Confedracion Americana de Tiro (CAT), Confederacion Centro Americana y del Caribe de Tiro (CAC) i Confederacion Sud Americana de Tiro (ODESUR)
Riba tur e kompetensha nan regional Wega nan Pan Americano keda konsiderá banda di Weganan Olímpiko un di e kompetenshanan di mas importante.
Ta evidente ku tiru ta un deporte internationalmente organisá i olímpiko,
den kua un hóben ku dedikashon, perseveransha i un disiplina rígido di entrenamentu, físiko i mental por yega hasta partisipá na wega nan olímpiko.
E ramo di tiru ku ta bira tur dia mas popular bou di hóben nan mundialmente ta air pistol i air rifle ku pa e hóben prinsipiante ta altamente rekomendabel.

Tiru konosé diferente disiplina