Taekwondo
Informashon general
E ta un forma di kombate den kua ta usa atake i defensa ku bo man bashí i pia. Taekwondo a originá na Korea. For di pintura nan i di estatua data for di aña nan 30 promé ku Kristu, por konkluí ku Taekwondo tabata ehersé promé ku e tempu ei.
Taekwondo a kuminsá na Kòrsou na aña 1972. E ta un deporte Olímpiko ya pa dos biaha kaba i e ta keda praktiká na alrededor di 200 pais rònt mundu. Tin 4 skol aktivo na Kòrsou awor aki pero den e próksimo aña nan nos lo bai habri por lo ménos 2 mas.
Den e arte (deporte) di Taekwondo nos ta speshalisá den tres diferente disiplina, bringamentu, forma i téknika di kibra opheto (por ehèmpel palu, panchi òf mosaiko)
Fuera di e aspekto físiko Taekwondo ta yuda bo desaroyá e parti mental i soshal manera disiplina, konsentrashon, pasenshi, konfiansa den bo mes i rèspèt pa otro.
Kiko nos ta ofresé nos studiante nan:
- Training riba nivel (internashonal).
- Trainer serio i kapas.
- Un deporte disipliná.
- Drecha bo físika.
- Mehorá bo kordinashon.
- Balansa físiko i mental.
- Habilidat táktiko.
- Konfiansa den bo mes.
- Outo estima.
- Defensa propio.
- Kompetensha lokal ku sierto frekuensia.
- Eksaminashon kada 3 luna dor di federashon pa asina garantisá uniformidat i nivel.
- Miembresia na Federashon di Kòrsou (CTB).
- Miembresia na Federashon di Antia (NATB) via di CTB.
- Afiliashon na Federashon Pan Amerikano (PATU) via NATB.
- Afiliashon na Federashon Mundial (WTF) via NATB.
- Sertifikashon internashonal di sinta pretu.
- Oportunidat di partisipá na kampionato internashonal (hasta Olímpiko).
Reglanan di lès
- Mester ta 15 minüt promé ku komienso di lès.
- Mester tin rèspèt pa entrenadó i otro alumno nan.
- Tur hende ta yuda pone mat abou i pone nan bek despues di lès.
- Si bo no por bini mester mèldu.
- Mayor nan mas tantu posibel mester presensia na lèsnan pa enkurashá partisipashon di e ui na lès.
Kategoria di edat
6 – 18 aña. Sigun desaroyo di e alumno nan lo parti e grupo despues sigun edat i e kolo di faha.
Dia/orario di lès
Djárason: 19.00or – 20.00or.
Djasabra: 11.00or – 13.00or.
Sistema di lès
Lès ta keda parti den diferente sekshon:
Kalentamentu
Téknika:
- skòp básiko
- blokeo
- kana forma
- téknika di kombate
Kondishon
Wega funshonal spesífiko
Práktika di téknika siña
Material ku ta haña na lès
- Protekshon pa kurpa >> ora ta train kombate ku kontakto kompleto.
- Protekshon pa kabes >> ora ta train kombate ku kontakto kompleto.
Si e alumno disidí ku kombate ta bira su speshalisashon, ta bon pa regla su mes ekipo di protekshon personal.
Vestuario
- Por kuminsá train ku un trainingspak òf karson kòrtiku ku un t – shirt ku manga (tank tòp i strèp no ta pèrmití)
- Despues di 2 luna ora ta sigur ku e mucha ta gusta e deporte mester kumpra un pak di Taekwondo (Dobok) ku su faha blanku.
- Ora kuminsá train kombate alumno mester di un protekshon pa su parti priva (kùp , bike òf tok) i un ‘mouthpiece’.
Partisipashon den kompetensia
Un bes pa aña ta organisá un kompetensia enterno di kombate, kana forma i téknika. Ta kompetí den kategoria di edat e kolo di faha.
Dependiendo di desaroyo di e mucha por inskribí pa kompetensianan lokal.
Aktividatnan sosial
Asiento ta organisá diferente aktividat sosial pa tantu hóben (6-12) i teener (13-18). Esaki nan lo keda anunsiá ku sufisiente antisipashon.
Kosto
Miembresia pa klup di Taekwondo ta fls. 3,00 pa luna. Lès ta kosta fls. 25,00 pa luna.
Eksamen ta fls. 15,00 pa biaha.
Miembresia di CTB ta fls. 25,00 pa aña.
Kosto di pak huntu ku e faha blanku di Taekwondo ta entre fls. 60,00 i fls. 190,00 i por kumpra esaki na de Jongh Sporthuis òf na Vista Bike.
