Kategoria di edat:

 

U – 8   Baby (6 – 8 aña)
U – 10 Superbaby (8 – 10)
U – 11 (bou di 11 aña)
U – 13 (11 – 13 aña)
U – 15 (13 – 15 aña)
U – 17 (15 – 17 aña)

Dia/orario di entrenamentu/lès
Djaluna i djárason: 17.00or – 18.30or U 11 i U 13
Djamars i djaweps: 16.00or – 17.30or U 6, U 8 i U 10
17.30or – 19.00or U 15 i U 17

Sistema di entrenamentu/lès
Training nan kaminda plaser i téknika di futbòl ta para na promé lugá.
Téknika ta konopá tur momentu na intenshon nan di wega di futbòl. E intenshon den wega ta pa hinka gol i un método pa yega na esaki ta un desaroyo optimal di e parti tékniko di un futbolista.

Pa papia tokante di téknika ta importante pa komprondé e wega di futbòl. Téknika ta algu ku un hungadó mester tin dominio di dje, e ta algu difísil pa deskribí. Dor di praktiká mas tantu, ta bezig ku e bala mas tantu posibel un persona por haña e dominio di e bala.
Por ehèmpel e manera ku un persona ta siña kore outo. Un persona ta siña kore outo dor di ta tras di e stür di outo den tráfiko mas tantu posibel. Un instruktor no ta duna un alumno un stür di outo pa e bai kas kuné pa e por train drai e stür na kas paso e kaminda ku por siña optimal no ta na kas sino den e tráfiko.
E ehèmpel aki ta trese dilanti tambe kon ta bai ora di siña hunga futbòl.

Na momentu ku un mucha tin dominio di bala ta mihó momentu pa siña aspekto nan tékniko den e situashon nan di futbòl.
Dor di e método di training aki mucha nan ta siña pa usa nan téknika pa yega na intenshon nan di wega di futbòl.

Téknika ta e método pa por hunga e wega di futbòl
Téknika ta método ku mas ta keda usa pa ehekutá tarea nan durante algu simpel den futbòl, manera un mucha ku pa promé biaha ta mishi ku un bala i solushon nan mas kompliká durante un partido di futbòl den e nivel nan mas haltu na mundu.

Ku e punto nan aki den memoria Asiento ta sòru pa desaroyo futbolístiko pa tur su miembro nan ku ke siña òf drecha nan nivel di hunga futbòl.
Den kada kategoria di edat lo tin intenshon nan ku ta para sentral den e 2 aña nan ku e mucha ta hunga den e kategoria ei. Na final di kada dos aña e mester ta kla pa por strom dor den siguiente kategoria di edat.
Na edat di 17 aña e hóben mester ta kla pa por strom dor pa futbòl ‘senioren’.

Vestuario
No ta akseptabel pa train ku jeans largu ni jeans kòrta. Mucha nan ku bini pa train sin mea lo no tin mag di train.
Den futuro tur muchu lo tin ku train uniformá, sin unifòrm no tin mag di train. E unifòrm nan lo keda regla pa Asiento Voetbal Club .

Partisipashon na kompetensia
Dependé di e tim nan ku nos ta forma nos lo partisipá na kampionato ORFIK i FFK. Ora Asiento Voetbal Club por presentá un tim nos lo start mes ora na kampionato lokal.

Aktividatnan sosial
Asiento ta organisá diferente aktividat sosial pa tantu hóben (6-12) i teener (13-18). Esaki nan lo keda anunsiá ku sufisiente antisipashon.

Kosto
Miembresia pa klup di futbòl ta fls. 3,00 pa luna.