Basketbòl
Informashon general
Basketbòl ta un deporte di kompetensha ku a wòrdu inventá pa James Naismith na 1891 na Springfield, Estadonan Uní di Merka (USA). Originalmente basketbòl tabata un deporte merikano i tabata keda ehersé solamente dor di e sexo maskulino, pero e basketbòl di awendia ta keda práktika na tur kontinente di mundu i dor di hende muhé komo hende hòmber.
E deporte aki ta keda hungá dor di 2 tim kada un konsistiendo di 5 hungadó ku ta partisipá aktivamente na e partido i tambe algun hungadó den reserva. E meta di basketbòl ta pa purba konkista e bala y tira esaki den e renchi (basket) asigná na bo ekipo i tambe pa stroba e ekipo kontra pa hasi meskos.
E renchinan (basket) di kada ekipo ta situá na kada banda di e fèlt na un altura di 3.048 meter (10 ft.) i esaki ta pegá na un ‘backboard’ i tambe tin un nèt kologá na dje.
Basketbòl por keda práktika paden den un sala i tambe pafó riba fèlt (‘street basketball’).
Partido nan di basketbòl internashonal ta keda praktiká segun regla nan stipulá pa FIBA, aunke ku e federashon merikano NBA pa basta aña kaba tin hopi influensha riba kambio di e regla nan aki, ku ta keda ahustá despues dor di FIBA.
E deporte di basketbòl ta konsistí di e siguiente téknika nan básiko: tira (‘shooting’), pasa bala (‘passing’), ‘dribble’ bala (‘dribbling’), diferente posishon nan di hungadó i tambe struktura nan defensivo i ofensivo.
Kiko nos por ofresébu
- Práktika basketbòl riba nivel
- Entrenador nan kapas
- Training ku ta desaroyá bo disiplina
- Training ku ta desaroyábo físikamente
- Drecha i mehorá bo abilidat di práktika e téknika nan básiko
- Konosementu di regla nan ofisial di basketbòl
- Partisipashon na kompetenshanan lokal
Kiko abo mester bin training kun’e
- Interes i gana pa práktika e deporte
- Disiplina (yega training na tempu, bini training ku frekuensha ets.)
- Un bon humor
Reglanan di training
- Mester ta presente pa mas tarda 15 minüt promé ku komienso di training.
- Mester tende na tur momento di entrenadó.
- Mester tin rèspèt pa entrenadó y tambe pa tur otro alumno.
- Si pa un òf otro motibu bo no por asistí na training mester di mèldu na entrenadó adelantá.
Kategoria di edat:
6 – 18 aña.
Dia y orario di training
Tin dos grupo di edat: 6 – 12 aña i 13 – 18 aña. Ta train dos biaha pa siman.
Djamars i djaweps:
- 16.00or – 18.00or: 6-12 aña
- 18.00or – 20.00or: 13-18 aña
Sistema di lès
- Warming – up.
- Práktika di téknika nan.
- Training di kondishon.
- Práktika di partido
Kosto
Miembresia di klup di basketbòl ta fls. 3,00 pa luna
