SOV Asiento ta un klup di deporte i rekreo ku komo meta prinsipal promové deporte i rekreo bou di su miembronan. E klup ta keda manehá dor di un direktiva ku anualmente ta keda skohe dor di miembro nan. Pa organisá deporte pa miembronan, e klup tin diferente klup di deporte, kada unu dirihí dor di un direktiva skohé anualmente dor di miembronan di e klup di deporte en partikular. Presidentenan di e klup di deportenan ta forma parti di e direktiva di klup.
Organo mas haltu den e organisashon ta e reunion general di miembro nan.
Maneho diario ta den man di un tim di maneho, enkabesá pa un manager.
E klup ta manehá tantu e lokalidatnan na e kompleho deportivo Rust & Burgh na Emmastad komo e lokalidat marítimo na Brakkeput konosi komo ‘Zeilhaven Brakkeput mei mei’.
E lokalidatnan ta brinda banda di fasilidatnan pa hasi deporte i rekreo, fasilidatnan di horeka i tambe pa organisá tur sorto di evento, di un reunion chikí te na un evento kultural grandi.
